الشاعرة ” شيخة الهيلا ” فخرها بوطنها دعاها للتألق
قاسم الأشجعي /سهم
الشاعرة شيخة العتيبي والمعروفة بلقب ( شيخة الهيلا ) أحيت عدة أمسيات شعرية في مهرجان الشارقة للشعر النبطي وفي أمسيات عديدة في الرياض بمناسبة اليوم الوطني وشاركت في برامج مهرجان الملك عبدالعزيز للإبل ودشنت قصيدتها الوطنية في ديوان الوطن في قلوب الشعراء بالأحساء
عضو في لجنة الموهوبات بإدارة التعليم بالرياض وتم استضافتها في عدة برامج إذاعية وتلفزيونيه مثل نسايم ليل وبرنامجكم الجميل خيمه شعبية وبرنامج نسهر سوا
بطاقة تعريف بشاعرتنا القديرة شيخة الهيلا ؟
الأسم /شيخة العتيبي
الاسم الإعلامي/ شيخة الهيلا
خريجة جامعة الإمام
المملكة العربية السعودية
الرياض
متى أول ظهور لك شاعرتنا القديرة ؟
أول ظهور لي كان عام ٢٠١٦
في حفل بمناسبة اليوم الوطني
في فندق الريتر كيلتون
على شرف صاحب السمو الملكي الدكتور الأمير فيصل بن محمد بن سعود آل سعود الرئيس الفخري للجمعية السعودية للفنون التشكيلية “جسفت”
ماذا يعني لك الشعر ؟
أكحل عدوك لين تعمي عيونه
والبس له اغلى اللبس لوكنت جايع
ماهي القصيدة التي بسببها اشتهرت الشاعرة شيخة الهيلا ؟
قصيدة وطنية بعنوان
يابلادي عزك الله بالشريعة
يابلادي عزك الله بالشريعة
والرجال اللي لهم سلم ومبادي
وحدك من سخرالعاصي يطيعه
بالسيوف اللي على العايل حدادي
ابوتركي حطك لشعبه وديعة
والأمانة شالعا شعب قيادي
التطور خطوته بارضك سريعة
وفيك صوت الحق للعالم ينادي
تحت ظل اخوان نورة بالطليعة
مركزك مرموق مع حضر وبوادي
سيدي سلمان يزهر بك ربيعه
هل سيله من سماه بكل وادي
يحفظه ربي ويحفظ له تبيعه
محمد اللي في سنام المجد بادي
ذا ولي العهد. مشكور صنيعه
من نسل سلمان تنعم به بلادي
نظرته قدام والحكمة طبيعة
والكرم والجود من طبع الأيادي
محتزم بالله وارض الله وسيعه
مده الله بالرجال وبالعتادي
من نوانا بالردى ولا الخديعة
يدعس محمد على خد المعادي
لوعطونا الكون كله مانبيعه
نرتكي من دونه بقدح الزنادي
قلتها من خاطري بنت شجيعة
كلمة ابديتها حسب اجتهادي
والختم صلوا على محمد شفيعه
النبي المصطفى خير العبادي
بيت شعر دائماً ما ترددينه وقريب لقلبك ؟
بيت لشاعرنا القدير الشاعر خلف العتيبي
(اكحل عدوك لين تعمي عيونه
والبس له اغلى اللبس لوكنت جايع)
قصيدة من اختيارك لامست ذوق الجمهور ومحبي الشاعرة شيخة الهيلا ؟
قصة طويلة كلها آلام،،،،،واحزان
اللي طوت عمري كطي السجلي
يذوب منها الصخر ويش عاد الانسان
ابختصر قصة حياتي ،،،،،،،وقلي
عيشة فراق و فقد واوجاع حرمان
ملازمتني كلها مثل ،،،،،،،،،ظلي
خمسة عشر عامٍ ولاشفت وغدان
ودموع عيني فوق خدي،، تهلي
ابغى لذيذ النوم وابات سهران
اعيش لحظات التناهيد ،،،كلي
كل القصص فيها دراما بعنوان
وانا الدراما كلها تمتثل ،،،،،،لي
ً
وقصة فراقٍ لواستمرت الى الآن
ولو استمرت زود عمري ،،،،مولي
اجمع شتات العمر وارويه وجدان
وعمري مخاويها وعيا ،،،،،،،يملي
وروحي بقايا تالفه،،،،،،سقمها بان
واحاول انعش راحتي ،،،،،واسفهلي
مير البلا وضعي مع الوقت تعبان
أبكي والاحدٍ في بكايه،،،،،،، فطنلي
وصبرت صبر ايوب والبال ،،،،حيران
حتى انيني يحسبونه ،،،،،، غنى لي
واليوم ابشركم ترا القلب ،،،،،،طربان
يومي مع الأحباب ربي ،،،،وصل لي
تعويض عن ما فات من غدر الازمان
في نصر ربي قمت ارحب ،،،،واهلي
شيخة الهيلا
وتشرفت باداء المنشد هزاع المهلكي كشيله شعبية واعجبت ايضا الجمهور كاداء وكلمات ولحن
متى تولد القصيدة في نظرتك ؟
مثل مايولد الطفل او الجنين
وانا امها وهي طفلتي المدلله
تغريدة ختام :
انـا الـشيخه انا عزة شموخ وكيف توصلني
انـابـنت الـرجـال الــي تـصد الـعايل الـمايل
انـا الـرفعة انـا مـحور لكون وكيف تجهلني
انــا الـقمة انـا الـهمة هـلي ذباحة الحايل
هـلي عـتيبة وانـا هيبه وبرقا وروق تشعلني
بهم افخر بهم اجهر واسمي لاسمهم شايل
شيخة الهيلا
